Reflesaun badak ba desenvolvimento home Industria figos iha Timor-Leste.

Aproveita fim de semana  iha uma bele aproveita tempo ba sira nebee mak  hakarak habarak no planta Ai-oan figo ho modelo stek. Objetivo hodi partisipantes curso online no offline  sira bele mos hahu halo stek figo iha sira nia fatin.

Prepara Material:

 Ai-figo nia kain; rai metan kahur ho ai-rahun husi fatin carpinteiro sira nee; aqua fatin; cutter ou tudik; platico, lis mean, no tali rafia.

Oin nusa prosesu atu halo stek

1. Husu colega sira mak iha Ai-figo haruka tesi hela kain ida ou rua;

2. Tesi badak nia kain uza cutter nee sukat ho liman fuan deit (jengkal);

3. Prepara lis mean nee kose ba nia kain ida atu kuda nee;

4.prepara rai metan tau iha pot ou agua masa nee no  fatin seluk mak imi iha hodi kuda nee.

5. Prepara plastico hodi taka ou tau iha fatin no ruma hodi halo cobertura no kesi ho tali depois de halo cobertura;

6. Depois bele tau iha fatin seguru hodi insekta labele estraga.

7. Depois semana rua bele muda ba fatin hodi Ai-oan nee bele kona loron.

Precisa osan hira hodi habarak Ai-figos nee? Resposta Gratuita, so labele baruk deit hodi kuidadu nia hodi ai-oan labele mate ou insekta labele estraga.

- Husu Ai-figos nia kain husi ita nia  colega sira nebe iha Ai-figos nee; tudik (cozinha nian) agua plastico (uzado), tali rafia (uzadu) la iha bele uza tali seluk; lis mean (dapur), rai metan (hare  iha uma sorin) no seluk hare informasaun iha www.youtube.com 

 

Be atu halo saida ho Ai-oan ida nee, ami introdus Ai-oan ho objetivo hodi ita rasik bele kria industria agricultura iha futuro hanesan: ita rasik bele  produs  ita nia produto local ba mercado domestico :  cha herbal, vinho, brandy, wisky, cerveja, softdrink, marmelada, material ba cosmetico no cria cooperativa hodi hamoris home industria e oras nee ami kuda ona 2000 mil ai-oan iha centro agricultura oemolo, Lifau, Oecusse no mos inicia ona construsaun ba uma produsaun hodi produs rasik produto sira iha leten. Ba sira mak interese hodi habelar cultura Ai-figuera ida nee bele contacto hodi ami bele hatoo informasaun no halo apresentasaun sobre cultura figos husi nia conceito husi  plantasaun, produsaun no comercializasaun no formasaun.

 

Ita halo kalkulasaun standar deit Ai-oan ida  quando fulan nen(6) bot ona ita bele halo fali cangkok ou stek bele hetan to iha 100 Ai-oan significa foin dadaun cangkok 3500 (3500X100= 350.000 ai-oan) antes nee iha ona (1500x100=150.000) total to tinan oin iha Oecusse bele habarak ai-oan nee hamutuk (350.000+150000=500.000) bele iha ona meiu milhao no cada ai-oan ida bele fo fuan iha fulan 6 bele hetan 2 kg no tinan ida ou 12 meses 4 kg ita bele kalkula tinan ida standar husi Ai-oan iha leten ita husi 500 mil foti 1/2 mak produs Ai-oan nian fuan deit husi 250 mil  (250.000x2kg=500.000mil kg iha 500 toneladas  tinan ida ita bele iha 500 toneladas ita bele hamoris ona produsaun rai laran. Mercado mundial  precisa 50 mil toneladas cada tinan. 

Referensia :

Atu hatene informasaun mais detalhu ba iha www.youtube.com  hakerek cara stek pohon tin no manfaat pohon tin

Mercado internacional bele peskiza iha www.amazon.com ho palavra chave: figs

Peskiza mos iha www.google.com no www.youtube.com health benefits of figs 

Bele hetan ona cha herbal figo iha supermercado Pateo-Dili.

Se halao curso online Ai-figo gratuita iha tempo besik iha modulo  plantasaun, produsaun no comercializasaun iha plataforma online ne'e: https://timor-lestemoodlecommunity.moodlecloud.com/login/index.php

Mai hamutuk desenvolve ita nia industria local agricultura iha rai laran. # Se Lao Agora Bainhira Tan Se Laos Ita Se Tan #.